الرجل والمرآة ماذا يردان؟

الرجل والمرآة ماذا يريدان ؟

- المرآة تريد من الرجل الآتي :

- العطف , الحنان , الاهتمام بها, أن يقول أحبك كل يوم , أن تكون هي أهم شيء في حياتة , أن يكون رومانسيا, يهدى لها وردة فى المناسبات , يتذكر عيد زواجهما , يحتفل بيوم ميلادها , يحترم شعورها, يذكرها بأنها جميلة, يسمع إلي مشاكلها وكأنة يسمع نشرة الأخبار , لا يقارن بها أحد , لا يشتكى من أي شيء فعلتة , لا يعاتب , لا يغضب , يحدد أغنية لهما , أن يكون لها عبد مطاوع , ذو إحساس مرهف , يذكرها بأنها أرشق من الغزال مع أنها في حجم الفيل , لا يعيب أهلها , يذكرها بأنها ذكية مع ان العقل منها بريء , يشكرها دوما , يحمد اللة أمامها بأنه أصبح زوجا لها , يذكرها بأنة محظوظ بها , أن تكون هي أهم من أمة , لا يسافر بدونها , وان سافر بدونها يجب أن يتذكرها بهدية , يجب أن يؤيدها في رائيها مهما كان رأيها , أن لا يصحح فى معلوماتها , لا يتذكر أخطاها , لا يلوم علي تقصيرها , يأتي بخادمة لها , أن يقوا (همم مم لذيذ) علي طبخها ولو كان مذاقة كالتراب , أن يشاورها في جميع امورة , لا يعمل فى مدنية بعيدة عن أهلها , لا يوقظها من نومها , لا يطلب شيء منها وهى أمام التلفاز , لا يخرج من البيت دون أن يقبلها , وأخيرا أن يكون ذو قلب طيب يلبى حبها .

- أما الرجل فيريد من المرآة الاتى :

- أن تنسي جميع ما ذكر في الأعلى , لأنها لن يلبيها .

فسبحان اللة فى قناعة الرجل

mouhand

اقتباس :: يذكرها بأنها أرشق من الغزال مع أنها في حجم الفيل

هههههههههههههه
موضوع جميل وكلام اجمل يل مهند بحيك على كلامك الرائع والمرتب بشكل جميل
ويرزقنا برجل قنوع

تحياتي

تسلم على موضوعك يا مهند
بس مش كل امرأه بتطلب من زوجها اللى انت ذكرته ولو طلبت تطلب ان يحسن معاملته لها ويتقى ربنا فيها
اما الرجل القنوع يا اليسا نادرا وجوده فى هذا الزمن
لكن مهند شايف ان الرجل قنوع مين هيشهد..........

تقبل مرورى
سمر

أحيانا المرأة هي اللي ممكن تخلي الزوج مش قنوع يعني زي ما بيقول المثل اللي أنا مش فاكره ؟؟؟؟؟
وكمان مرة يا سمر لازم نقول أن أعباء الرجل بتكون كتير ومش هنقول أن الست تفرشله الآرض ورد بقدر ما نقول أن الست ممكن تبعد نظه عن كل المغريات يعني يلائيها ملكة متألقة ومتجدده في البيت دائما ،، أنتي عارفه أيه المشكلة ؟؟ المشكلة أن الست بدأت هي كمان يا شغاله وبترجع أحياناً شقيانه وهلكانه ويمكن كمان ترجع في نفس ميعاد زوجها يا أما كمان أن يكون شغلها بالليل وده الأصعب والأمر
وبكده بيكون الزوج أحيانا قنوع ؟؟؟ لكن فيه حجات كتير شايلها في قلبه وصارر ؟؟؟؟
مش عارف أوضح بس ياريت يكون كلماتي مفهومه

تحياتي ليك يا مهند على موضوعك الجميل
اللي خلانا نسمع رأي أختنا سمر في الرجالة وكمان أختنا أليسا الي أكتفت فعلا بأن يكون الزوج في النهاية قنوع وده المطلوب إثباته

محمد

ليس له اى اثبات يا محمد فين الرجل القنوع فى هذا الوقت
وبعدين منتا راجل يبقى اكيد هتقيد مهند اه منك انتو يارجاله دايما تخلو الست هى السبب فى اى شىء غلط انتو بتعملو وتقولو هى اللى دفعتنى لكدا دايما الست هى الشماعه اللى تعلقو عليها غلطكم
وبعدين لو شغلها بالليل اكيد هو عارف من الاول ان ظروف شغلها كدا
وبردو انا معاك يامحمد ان ممكن فى بعض السيدات بيكونو مقصرين فى حق زوجها وبتكون هملاه والمصيبه انها ممكن بتكون مش واخده بالها ومش تفوق غير بعد فوات الاوان وممكن مش تعترف انها السبب فى كدا بس بعض السيدات
لكن فى رجاله مش بيعجبهم اى حاجه تبقى الشت قايضالو ايديها العشرة شمع زى مابيقولو وبردو مش عاجبه ويتظاهر انه تعبان ومظلوم

اسفه على كلامى وانى طولت عليكم
اتمنى ميكنش مرورى ضايئكم ولا يكون تقيل
تقبلو مرورى
سمر عدت من هنا وبتقول فين الرجل القنوع

يا ستي أنا أهو قنـــــــــــــــــــــــــــوع والله ومش زي الرجالة اللي بيقولوا عليها مبيعجبوش العجب ولا الصيام في رجب
طيب الست ليه تشتغل أصلا يا سمر طالما زوجها قادر يشوف مصالحها ومصالح البيت ماهي دي أصل المشكلة عايزه تتفسح ؟؟ قولي يا ستي وأحنا نفسحك خميس وجمعه مفيش مشكلة لكن تقولي أنا طول النهار بين أربع حيطان عشان تخرجي تشتغلي وترجعي مع زوجك في ميعادة وفي أحيان كتير بعد ميعادة وعايزه الأمور الزوجية تستمر وتكون سعيده ؟؟ لا وألف لا ؟؟ وأنا برأي الشخصي أن الزوج حتى لو رضي بالوضع المهين ده ؟؟؟؟ أسف يعني يبئى مش بيحب زوجته على الاطلاق على أد ما بيحب يشوف فلسوها ومرتبها أخر الشهر وغيبها عن البيت بساعات طويلة سواء في حضورة أو غيابه مش هتفرق معاه الأهم الفلوس كل أول شهر ده مش بيحب زوجته أبدا ولا بيغير عليها ،، وإذاي يسمح لنفسه أنه يكون نايم في البيت ومراته لسه في شغلها أو في الشارع عموما إذا لو بيحبها يكون ليه قلب وينام وهي بره ؟؟؟؟؟ نصيحة مني عايزه جوزك يحبك بجنون أزلئي في البيت ولما يرجع أعمليله مره مارلي بن أنكل منرو أو إلهام شاهين ومرة الشحرورة ؟؟ ومرة نبيلة عبيد خليه يا ستي يشوف كل النساء الجميلات فيكي أنتي ومتخرجيش وتسبيه وبعد كده أكيد أكيد هيكون قنوع جدا بيكي وببيته ؟؟؟؟؟ \
شكرا ليكم

طبعا لازم تشكر فى نفسك وتقول انك قنوع
محدش بيقول على نفسه. .......
وبعدين تعالى هنا لاحسن تتوه ومش نعرف نجيبك
هنا احسن من هناك
سمورة الامورة عدت من هنا Basketball

هههههههههههههههههه
يا سمر ؟؟؟؟؟؟؟؟؟؟؟؟؟؟
قلتلك قنــــــــــــــــــــــــــــــــــــــــــــــــــــــــــوع
أنتي اللي مش مقتنعه ؟؟ طيب هستئزنك لحسن الجو فيه رعد وبرق ومش جايب الشمسية معايا
مش مصدقاني
شوفي

الرجل والمرآة ماذا يردان؟ Blitz_07

اتقدم بكامل الشكر للاعضاء الذى اشتركو معى فى هذا الموضوع
انه موضوع من وجهة نظرى لا يعيب للمرآة
لكن من وجهة نظر الاستاذة/سمر عدم وجود رجل قنوع بالعكس
من ناحية الشغل أفضل ان المرآه لاتعمل لو عملت تعمل لراحة ابنائها وزجها ليست لوحدها بل الرجل أيضا
والسلام عليكم ورحمتة وبركاته
مهند

بردو هيقولى قنوع
لا مش قنوع
Basketball

لا تعليــــــــــــــــــــــــــــــــــــــــــــــــــــــق
شكــــــــــــــــــــــــــرا
مهند

بصراحه رايك فعلا صائب لان ده هو الى بيحصل فعلا علشان كده زاد نسبه الطلاق لدي المصرين وبعداين احنا عايزين ايه اكثر من ذللك والله الموفق

عضو جديد