مشكلتي إني ؟؟؟؟

بجد مش عارف إذا كانت مشكلة ولا لأ ولا يمكن برأي ناس كتير من أصحابي أنها غلطتي وخطأي وليست مشكلة بفعل القدر إنها بفعلتي أنا وبيدي أنا ؟؟ لعن الله الأنترنت
تعرفت على إنسانة من الشات أصبحنا نتكلم وتعلقنا ببعض لشيئ لا يتصوره عقل لم أعرف أني أحبها ولذلك ظللت على خداعي كأي بنت وكنت أعلم أنها هي الأخرى تخدعني يعني مثلا زي الأسم السن متجوزة ولا لأ مش عارف المهم أرتحنا لبعض أوي أوي ومبأتش أقدر أفارقها وصرحت ليها بحبي وهي كمان لكن ؟؟؟؟ لما حبيتها بكل صدق قلت لازم أقولها بأني متزوج وخفت لو صرحتها بحقيقتي أنها تضيع مني ؟؟؟ كل مرة أتكلم معاها أقولها أن فيه في حياتي سر تقولي رب العباد بيغفر وإن كان ما كان لازم انا أغفر وننسى ونتكلم وأقابلها تاني أقولها نفس الكلام ويبئى نفسي أتكلم وأخلص ضميري قبل ما أتعلق بيها أكتر المهم يوم صممت أني لازم أقولها فقلت ليها أنا عايز أحكيلك ولو جزء بسيط من السر اللي ديما بكلمك عنه وهشوف هتغفريلي ولا لأ قالت أن ديما تقولي سر سر فيه أيه مفيش سر يقلق الراجل من وحده بتحبه إلا إذا كان متزوج أنت فعلا متجوز ؟؟؟ سعتها ألتخبطت ومعرفتش أقول أيه أنهارت هي وقالت متجوز ولا لأ رد علي ؟؟؟ قلتلها أيوه متجوز بس مكنتش هعرف أني هتمسك بيكي للدرجة دي ؟؟؟ مكملتش كلامي إلا وكانت تبكي وقفلت الخط بيني وبينها ؟؟؟؟ المهم مش هطول في حكايتي لكن بعد شهور من الخصام رجعت لي برسالة وقالت أنا عايز أكلمك وأتصلحنا وحبينا بعض زي الأخوات وبأينا نخاف على بعض وديما تشورني في كل صغيرة وكبيرة لكن لازلت أحبها رغم أني متزوج وحاسس بزنب من نحيتها لأني ممكن أكون فعلا أخرتها عن الزواج طول فترة معرفتي بيها وهي على أمل أني في أي يوم ممكن أتقدم ليها ؟؟؟ هي لحد الأن على إتصال دائم بي وعمرها ما فكرت في يوم أنها تسبني وعرفتي على أهلها كلهم رغم اللي حصل ؟؟؟
هل دي أعتبرها خيانة مين لزوجتي رغم أنها بتحبها حب شديد جدا من غير ما تشوفها وعيزة تتعرف عليها

أرجو أن يكون عندكم حل مقنع
وأشكركم وأسف للإطالة

محمد أبو عرب

السلام عليكم ورحة الله وبركاته

رداً على رسالة الأخ محمد أبو عرب بخصوص المشكلة التي طرحها قبل ثلاث أيام
المشرفة *** سمر ***
الأخ المحترم / محمد انت كدا خائن لزوجتك اتقى الله فيها وفى حقها حتى لو انت شايف انك غير مقصر معاها بس وقت كلامك مع الاخرى واجمل الكلمات التى تقولها للاخرى ده من حق زوجتك وانت رجل عاقل وناضج مافى شىء اسمه حب عن طريق النت هذه نذوة لان كل واحد بيكدب على التانى وبيحاول انه يتظاهر فى اجمل صورة قدام الاخر اخلص لزوجتك ولبيتك وايه اخره حبك ليها وايه الى مخليك متاكد انها بتحبك مش يمكن بتكدب عليك وانت ماخرتهاش عن الزواج ولا شىء لان كل شىء بميعاد وباذن ربنا هل انت مستعد لزواجها راجع عقلك وتفكيرك هتلاقى ان ده كلام مراهقين وانت رجل عاقل وناضج وانت غلطان انك فى اول كلام معاها حتى تتطور العلاقه انك معرفتهاش انك متزوج اديتها امل بانك فى يوم من الايام تتقدملها يا اخ محمد بلاش تضكحو على نفسكم لان عمر ما الاحباب يصبحو اخوات سيبها تشوف مستقبلها وانسحب من حياتها وهى لو بتحبك وبتخاف عليك بعد ماعرفت انك متزوج كانت انسحبت من حياتك بدون روجوع خوفا عليك وعلى بيتك حتى تستمر فى حياتك الزوجيه بكل هدوء ونجاح وهى الى طلبت انها تتعرف على زوجتك لو انت نفذت ده كدا انت بتفتح عليك ابواب النار لان زوجتك ممكن تشك ومتصدقش موضوع اننا اخوات يا محمد ان كيدهن فكر فى الجمله دى اذا كان الشيطان استاذ للرجل فهو تلميذ للمرأه فى بعض النساء لما بينجرحو من الحبيب لازم تنتقم منه ويمكن دخولها فى حياتك انت وزوجتك بعد ان تتعرف عليها ممكن تؤدى الى الخراب مابنكم وعلى فكره خاف ربنا لان ربنا مش بيسيب وكل مافعل شىء غلط لابد من ان يحصده وزوجتك ماتستهل منك كدا

استغفر ربنا واتقى الله حتى يبارك ربنا فيك وفى حياتك ورزقك وفى زوجتك

تقبل كلماتي حتى ولو كانت جارحة لعلك تجني ثمارها في المستقبل

المشرفة *** ســــمـــــر

ما أحلاه والله من قسم كان له أهمية وجمال حقيقي والذي كان من فكرة الأخت سمر
أتمنى أن يعود القسم وتعود بوح القلوب كما كانت

تحياتي لأختي الغالية سمر