وعجلت إليك ربي لترضى ) ......... ايوه هو ده شعارنا ... ايوه هو ده هدفنا ...... واذا كان الناس كلها بتروح لربنا في رمضان .... مش هنستنى رمضان .... احنا هنبدأ من دلوقتي من اللحظه دي ... طب هنعمل ايه .......... طب ايه خطتنا ... حطينا خطه كبيره قوي .... ومحتاجينكم فيها معانا .... اولا: على المستوى الشخصي ...( نفسك ) ... بعد طبعا تجديد التوبه .... واتخاذ النيه ... حطينا مشروعين : المشروع الاول .. هو ختمة التدبر .. نوينا باذن الله نبدأ مع بعض ختمة تدبر للقرآن الكريم من دلوقتي ... ايوه يعني ايه مش فاهم برضه ؟ قصدك يعني ان احنا بنقرأ القرآن الكريم من غير تدبر !!!! لا .. طبعا انا ماقصدش كده خالص ... احنا كل اللي نقصده بختمة تدبر .... ان .. فاكرين الصحابه كانوا بتعلموا القرآن ازاي ... كانوا بيتعلموه 10 ايات .. 10 ايات .. كانوا بيمسكوا الايات يطلعوا منها الاوامر والنواهي ... ويبدأوا ينفذوها ... ولما يتقنوها يتعلموا غيرها .. احنا بقى بنقول فكره زي دي .... ان شاء الله هنبدأ نمسك سورة ونقرأ التفسير ... ونطلع الاوامر والنواهي وهنفذها .... وان شاء الله السورة اللي بعدها ... هنعمل نفس الحكايه ... وهنضيف اوامرها ونواهيها على اللي قبل كده ... وهكذا ... لا ومش بس الاوامر والنواهي .... وكمان هيكون في خواطر ... بس دي بقى عليكم ... عايزينكم تبعتولنا خزاطركم وتأملاتكم حول الايات... اه ... طب بس كده .. احنا احتمال ندخل رمضان واحنا لسه ماخلصناش جزءحتى ... ومش هنلحق نخلصه .... طب ماهو حضرتك ركز شويه ...... احنا بنقول ختمة تدبر ... يعني محتاجين تدبر بجد ... وبعدين احنا مش مستعجلين ... اهم حاجه بس ان احنا نبدأها دلوقتي مع بعض ... على فكره المشروع ده مش محتاج منك غير نص ساعه بس في اليوم ... بعد الفجر ... قبل ماتنزل الشغل ... بعد ماتيجي من الشغل ... في المواصلات .. قبل ماتنام .. المهم مايعديش يوم الا وانت قرأت تفسير السورة ... وطلعت الاوامر والنواهي ... وتبدأ تنفذها .. طب استني .. السورة الاولي في القرآن هي سورة البقرة .... بس دي كبيره قوي ... هنلحق نخلصها .. ماهو عشان كل مشروع في الاول بيبقى صعب جدا .. ومحتاج نمشي في المشروع خطوة بخطوة .. ولان سورة البقره كبيره جدا .... قررنا نبدأ الختمه من الجزء التلاتين الاول... انا عارفه ان احنا كده عكس الناس كلها ... بس احنا مضطرين نعمل كده ... عشان نحاول نسهلها على نفسنا ... ويارب بس نثبت على المشروع ... لأني عارفه ان في ناس كتير جد ا ممكن تتحمس للمشروع ومجرد ماتمسك تفسير سورة البقره وتبدا تقرا اول صفحتين ... هتستصعب الحكاية خالص ... وهاتعرض عن المشروع خالص .. فان شاء الله تعالى ... هنبدأ المشروع من سورة الناس ... كل يوم سوره .......... المشروع التاني ... رمضان .... شهر الصيام ... بس للاسف ... مش عارفه ليه في ناس كتير جدا بتكون متنرفزه فيه قوي وعصبيه قوي قوي ... عشان كده عايزين ... نتعلم الاحسان وكظم الغيظ .... ايه ده؟... ايه المشروع ده؟ ... اه ( المحسنين الكاظمين للغيظ ) ... مش انتوا عارفين الايه " والكاظمين الغيظ والعافين عن الناس والله يحب المحسنين" ... ايه مش عايزين محبه الله ولا ايه .. بصوا .... عارفين علبه التمر اللي بتتباع بجنيه دي ... ايوه التمر اللي محشي لوز ... ايوه العلبه البني دي .... احنا هنشتريها ... وتروح البيت مش هتاخد منك وقت هات اي ورق تغليف هدايا عندك ومقص ... مش عندك ورق تغليف هدايا ... طب كيس ... وابدا قصه لمربعات صغيرة زي ورقه الملبسه ... ولف كل تمره في ورقه .... هيعملوا حوالي عشرة او عشرين وحده .. ايوه حطيهم في شنطتك .. والولاد عارفه ان شكل جيبك هيبقى مش حلو .... خد تلاته بس طيب وحطهم في جيبك ... يعني لو الشباب كمان مكسلين يعملوا الحكاية دي ... ممكن يبقوا يشتروا بجنيه ملبس ... بلاش تمر ( ولو ان التمر كان هيبقى احلى ) .... ماعلينا ......... هتنزل من بيتك الصبح ... صايم طبعا ... طيب نزلت ... ولسه بتركب ميكروباص بصيت لاقيت اللي بيزقك جامد عشان يركب هو الاول ... اتنرفزت طبعا ولسه ها... تقوم تفتكر مشروعنا .... استعيذ بالله من الشيطان الرجيم .... وبص له وابتسمله ... واقوله كل سنه وانت طيب .... وطلع التمره واديهاله ......... لو تقدر بقى تقوله بذوق تقوله ان احنا كلنا هنركب ومافيش داعي ان حد يزق التاني ... يعني ولمح بالكلام ده على الناس مش عليه ... متهيالي هتوضح الصورة وهتكون اتعلمت كظم الغيظ والاحسان ...... طيب بنوته .... نازله رايحه الجامعه ... او المدرسه ... او الشغل ... ولسه نازله من البيت ولاقيتي واحده معديه من قدامك .... لابسه لبس فظيع ..... مع الحجاب طبعا .... عادي يعني بنشوفهم كتير ...طبعا انا عارفه انك اكيد متنرفزه .... ومتغاظه منها .... نفس الحكاية روحيلها وسلمي عليها واديها التمرة وقوليلها كل سنه وانتي طيبه .... واذا قدرتي برضه قوليلها نصيحتك بلطف .... وهكذا مع كل حد يغيظك ... مع تحذير مهم جدا .... الهديه دي ( التمره ) تكون من مرأه لمرأه .... او من رجل لرجل .... وماينفعش نلخبط .... طيب ... ايه حلوه الفكره .... برضه هنستنى لرمضان ......... لا ........ احنا شعارنا ( وعجلت اليك ربي لترضى ) ...... يعني مش هنستنى .. من دلوقتي هنبدأ .. تانيا ... على المستوي العائلي او الاسري .. مشروع .......... الاقربون اولى .. يعني ايه ....... يعني في رمضان ... ناس كتير جدا بتبص على الفقراء و الايتام والمعاقين والمرضى وللاسف بتنسى ... بتنسي عيلتها ... وبتنسى اهلها .... ايوه بتنسى .... ان في اللحظه اللي بتدي فيها شنطه رمضان في حد في عيلتك مديون ومحتاج لشنطه دي اولي من الغريب .... ايوه بتنسى ... ان زي مابتروح معهد الاورام ... او مستشفى ابو الريش ... بتنسى ان خالك او عمك تعبان قوي وهو اولى بزيارتك منه ... ايوه بتنسى .... ان لما تكلم صحابك في التليفون في اول رمضان وتقولهم كل سنه وانت طيب ... ان اولى تليفوناتك دي تكون لخالك لعمك ... لجدك ولجدتك .... ولقرايبك ... ايوه بتنسي .... ان زي مابتروحي تساعدي في اعداد شنطة رمضان مع ناس كتير في الجمعيه او بتحضري وجبه افطار معاهم برضه .... بتبقى نازله وانتي سايبه ماما محتاسه في فطار النهارده وهي الاولي لانها تعبانه ومحتاجكي جنبها .... بس انتي فاكره ان ثواب هناك اكتر ... لكن في الاصل ( الاقربون اولى بالمعروف ...) مستني ايه .... قوم هات قلم وورقه .... ارسم واكتب ... ارسم شجره العيله .... واكتب ارقام تليفوناتهم .... وياريت لو الموبايل بتاع كل واحد ... وياريت تبدا ..ياتبعت رساله حلوة كده .... يااما تكلمه وتقوله كل سنه وانت طيب .... وبالمره اسال على اخبارهم .. وان شاء الله المشروع مستمر معانا على طول .... وبجد هو ده اكتر مشروع محتاجين فيه افكاركم ... عايزين ابداع وافكار جديده لصله الرحم .... ياريت بجد تبعتوا ارائكم ........طيب عشان احنا طولنا عليكم المره دي .... لسه في افكار ومشاريع تانيه كتير ... هانقولها ان شاء الله في الفتره اللي جايه دي ... بس احنا عايزينكم تشاركوا معانا ... منتظرين اشتراككم وتفاعلكم معانا ... بجد .... ويلا بقى عشان نعين بعض على الطاعه ...من دلوقتي .. ونقول .... ( وعجلت اليك ربي لترضى ) ... السابقون لا يؤمن أحدكم حتى يحب لأخيه ما يحب لنفسه[/size]
الأربعاء يوليو 30, 2008 10:56 pm